គន្លឹះ៥យ៉ាងក្នុងការទិញទូរស័ព្ទ iPhoneមួយទឹក

Published Date: Friday, November 24, 2017 04:08 PM

ប្រិយមិត្ត​ភាគច្រើន​ប្រហែល​ជាបាន​ដឹង​ហើយ​ថា​ទូរស័ព្ទ​iPhone​គឺជា​ប្រភេទ​ស្មាត​ហ្វូន​ដែល​មាន​តម្លៃខ្ពស់ទោះបីជាiPhoneនោះថ្មីឬiPhoneមួយទឹកក៏ដោយ។ នៅកម្ពុជាយើង​​គេអាចស្វែងរកទិញទូរស័ព្ទiPhoneដែលគេប្រើរួច(មួយទឹក)ដើម្បីកាត់បន្ថយការចំណាយច្រើន ជាពិសេសសម្រាប់អតិថិជនដែលមិនសូវមានលទ្ធភាព។

យ៉ាងណាក៏ដោយ ការទិញiPhoneមួយទឹក ពិតជាមិនងាយស្រួលដូចការ​ទិញ​iPhone​ថ្មី​ដែល​បកពីស្រោមនោះទេ ព្រោះយើងមិនអាចដឹងទេថា​តើ​iPhone​មួយទឹក​​នោះ​មាន​ប្រវត្តិ​ប្រើប្រាស់​យ៉ាងណា។ ដូច្នេះដើម្បីជាជំនួយស្មារតីដល់អតិថិជនទាំងអស់​ហាងលក់​ទូរស័ព្ទ​ទំនើបគួង អ៊ីសូមចែករំលែកគន្លឹះ៥យ៉ាងដែលអាចជួយឱ្យអតិថិជនអាចជ្រើសរើសទូរស័ព្ទiPhoneមួយទឹកបានក្នុងកម្រិតគុណភាពល្អ។

ទូរស័ព្ទមួយទឹកដែលមានលក់នៅហាងគួង អ៊ី

-ផ្ទៀងលេខកូដIMEIរបស់iPhoneដែលអ្នកចង់ទិញ

ជា​ធម្មតាទូរស័ព្ទiPhoneតែងមានលេខកូដសម្គាល់ម៉ាស៊ីនដែលគេហៅថាIMEI។ មុននឹង​ជ្រើសរើសយកiPhoneណាមួយ សូមអតិថិជនទាំងអស់ផ្ទៀងលេខកូដ​IMEIដែលស្ថិតនៅខាងក្រោយសំបកiPhoneនោះទៅនឹងលេខកូដIMEIនៅក្នុងម៉ាស៊ីន​ថាលេខ​កូដ​​ទាំង​ពីរ​នោះ​​​ត្រូវគ្នាដែរឬទេ? សម្រាប់​iPhone​ដែល​មិនទាន់​ដូរសំបក​គឺមានលេខ​កូដ​IMEI​លើសំបកដូចគ្នាទៅ​នឹងលេខកូដ​IMEIនៅក្នុងម៉ាស៊ីន។​ ការផ្ទៀងផ្ទាត់នេះគឺដើម្បី​ជៀសវាង​iPhoneដែល​ត្រូវ​បាន​គេប្តូរសំបកឱ្យ​មើល​ទៅ​នៅថ្មី។

-ពិនិត្យមើលActivation Lock

មុន​នឹង​​សម្រេចចិត្ត​យក​iPhone​ណា​មួយ សូម​អតិថិជន​កុំភ្លេច​ត្រួត​ពិនិត្យ​ថា​តើ​iPhone នោះមាន​ជាប់​លេខ​កូដ​គណនី​(Account iCloud)ម្ចាស់​ដើម​ដែរ​ឬ​ទេ? ដើម្បីអាចដឹងបញ្ហានេះ អតិថិជន​ត្រូវចូល​ក្នុង​Setting ហើយ​ចូល​ទៅកាន់​Accounts & Passwords បន្ទាប់​មក​ចូល​ទៅកាន់​iCloud។ ស្វែងរកពាក្យ”Find My iPhone” បើមុខងារ​”Find My iPhone”នៅបើក(ON) នោះមាន​ន័យថាទូរស័ព្ទនោះមានបញ្ហាហើយ។ វា​អាច​ជា​ទូរស័ព្ទ​ដែល​ចោរ​លួចយក​មកលក់ឬមិនមែន​ជា​ទូរស័ព្ទ​របស់​ម្ចាស់ដើម​ដែលបាន​លក់ឱ្យ​ហាងនោះ។  ការជាប់មុខងារ​Find My iPhone​នេះ​នឹង​ធ្វើឱ្យ​លោកអ្នក​​មិន​អាច​បង្កើត​គណនី​និង​ដោនឡូត​កម្មវិធី​ថ្មីៗ​បាន​នោះ​ឡើយ។ ពោល​គឺខុសខ្លួន​ធ្ងន់ធ្ងរ​ណាស់!

-ត្រួតពិនិត្យមើលចំណុចបែកបាក់នៅផ្នែកខាងក្រៅរបស់ទូរស័ព្ទ

អតិថិជន​​គួរ​ចាប់​អារម្មណ៍​ទៅលើ​អេក្រង់​របស់​ទូរស័ព្ទ​នោះ តើមាន​ស្នាមឆ្កូត​ បែក ប្រេះស្រាំ​ដែរឬទេ​? ពិនិត្យ​មើល​កាំមេរ៉ា​ថា​តើ​មាន​សឹក​កញ្ចក់​ដែរ​ឬទេ? មាន​កំពិត​សំបក​ដែរ​ឬទេ។ល។ យ៉ាង​ណា​ក៏​ដោយ លោក​អ្នក​មិន​អាច​រំពឹង​ថា​ទូរស័ព្ទ​មួយ​ទឹក​ទាំង​អស់​សុទ្ធ​តែ​ស្ថិត​នៅ​ក្នុង​ស្ថានភាព​ល្អ​ឥតខ្ចោះ​នោះ​ទេ។ ចំណុចដែលសំខាន់​គឺ​គ្រឿង​ម៉ាស៊ីន​ខាង​ក្នុង​នៅ​ដំណើរ​ការ​ល្អ​ប៉ុណ្ណា? គុណភាព​នៅ​ត្រឹម៩០ទៅ៩៥ភាគរយគឺល្អបំផុត!

iPhone មួយទឹកដែលមានលក់នៅហាងគួង អ៊ី

-លុបឯកសារចាស់ចោលចេញពីទូរស័ព្ទនោះមុននឹងចេញពីហាង

Resetទូរស័ព្ទ​នោះ​ចោល​គឺមាន​ន័យ​ថា លោក​អ្នក​លុប​ទិន្នន័យ​ផ្សេង​ដែល​អ្នក​ម្ចាស់​មុន​បានកំណត់​។ ការ​ធ្វើ​បែប​នេះ អាច​ធ្វើ​ឱ្យ​អតិថិជន​អាច​ប្រាកដ​ក្នុង​ចិត្ត​ថា​ទូរស័ព្ទiPhone មិនមាន​ជាប់​ពាក់ព័ន្ធ​នឹង​Apple ID និងiCloud របស់​ម្ចាស់​មុន​ទៀត​នោះ​ទេ។ ម្យ៉ាងទៀត​​វាក៏​ធ្វើ​លោកអ្នក​ស្រឡះ​ចិត្ត​ជា​មួយ​ទូរស័ព្ទ​ថ្មី​របស់​អ្នក​ផង​ដែរ។

-ស្វែងរកហាងទូរស័ព្ទដែលមានគុណភាពនិងអាចទុកចិត្តបាន

ការ​ស្វែងរក​ហាង​ទូរស័ព្ទ​ដែល​ទុកចិត្ត​បាន​គឺ​ជាចំណែក​មួយ​ដែល​ធ្វើឱ្យ​លោក​អ្នក​អាច​ទទួលបាន​ផលិត​ដែល​មាន​គុណ​ភាព។ នៅ​ពេល​អ្នកចូល​ទៅ​ក្នុង​ហាង​ទូរស័ព្ទ​ណា​មួយ សូម​អ្នក​សម្តែង​ការ​ស្មោះ​ត្រង់ ដោយ​សួរ​ត្រង់ៗ​ទៅ​អ្នក​លក់​ថា តើ​ទូរស័ព្ទ​នោះ​ស្អាត​និង​នៅ​មាន​គុណ​ភាពកម្រិត​ណា​ដែរ? ឬសួរថា​តើអ្វី​ជា​ចំណុច​ខ្វះខាត​របស់​ទូរស័ព្ទ​មួយ​នោះ​? ធ្វើ​បែប​នេះ អាចធ្វើឱ្យម្ចាស់​ហាង​អាច​សម្តែង​ភាព​ស្មោះ​ត្រង់​ត្រឡប់​មក​វិញ ហើយ​ពួកគេ​នឹង​ណែនាំ​អ្នក​អំពី​គុណភាព​នៃ​ផលិតផល​នោះ។

ជាក់​ស្តែង​ហាង​ទូរស័ព្ទ​គួង អ៊ី គឺ​ជា​ហាង​លក់​ទូរស័ព្ទ​ទំនើបមួយ​ដែល​លោក​អ្នក​អាច​ទុក​ចិត្ត​បាន។ គួង អ៊ី​មាន​លក់​ផលិត​ផល​សុទ្ធ មាន​ការ​ធានា​ត្រឹមត្រូវ និង​បាន​បង់ពន្ធ​ត្រឹមត្រូវ​ស្រប​តាមច្បាប់​ប្រទេស​កម្ពុជា។ ជាងនេះ​ទៅ​ទៀត ផលិត​ផល​ទូរស័ព្ទ​មួយទឹក​របស់​គួង អ៊ី​គឺ​សុទ្ធ​តែ​ត្រូវ​បានសម្រាំង​ទិញ​ដោយ​ប្រុង​ប្រយ័ត្ន ពោលគឺហាងលក់ទូរស័ព្ទដៃទំនើប​គួង អ៊ី​ទិញ​ចូល​តែ​ទូរស័ព្ទ​មួយ​ទឹក​ដែល​នៅ​មាន​គុណភាព​ល្អ​តែ​ប៉ុណ្ណោះ៕

អត្ថបទដោយ៖ KoungY Phone Shop