អ្នក​វិទ្យាសាស្រ្ត​របស់​ក្រុមហ៊ុន​Samsung​កាល​ពី​ពេល​ថ្មីៗ​នេះ​បាន​បង្ហាញ​របក​គំហើញ​ថ្មី​នៃ​វត្ថុធាតុ​ដើមសម្រាប់​ផលិត​ថ្ម​ទូរស័ព្ទ​ដែល​មាន​ឈ្មោះ​ថា“Graphene Ball”។ ពួក​អ្នក​វិទ្យា​សាស្រ្តទាំង​អស់​នោះ​បាន​និយាយ​ថាសារ​ធាតុ​គីមី​ថ្មី​ដែល​នឹង​ត្រូវ​យក​មក​ផលិត​ជាថ្ម​ទូរស័ព្ទ​នឹង​អនុញាតិ​ឱ្យ​ថ្ម​ទូរស័ព្ទ​ជំនាន់​ថ្មី​មាន​សមត្ថភាព​ផ្ទុក​ថាមពល​អគ្គិសនី​ច្រើន​ជាង​មុន​៤៥​ភាគរយ ហើយ​អាច​សាកថ្ម​ឡើង​វិញ​លឿន​មុន​រហូត​ដល់​៥ដង។ មានន័យថាបើគម្រោងនេះជោគជ័យ ថ្ម​ទូរស័ព្ទ​ជំនាន់​ក្រោយ​របស់​Samsung​នឹង​អាច​កាន់​ថ្ម​បាន​យូរ ហើយ​សាក​ឆាប់​ពេញ។

សារធាតុGraphene Ball

បើ​តាម​សេចក្តី​ប្រកាស​ព័ត៌មាន​របស់​ក្រុមហ៊ុន​Samsung​បាន​ឱ្យ​ដឹង​ថា សារធាតុ ​Graphene Ball នោះ​គឺ​នឹង​ត្រូវ​យក​មក​ប្រើប្រាស់​ដើម្បី​ផលិត​ថ្ម​ទូរស័ព្ទ​ជំនាន់​ក្រោយ ហើយ​និង​ផលិតជាអាគុយ​សម្រាប់​យាន្ត​ជំនិះ​ដែល​ប្រើ​ថាមពល​អគ្គីសនី​ផង​ដែរ។ សាធារតុ​នោះ​ត្រូវ​បាន​រកឃើញដោយ​អ្នក​វិទ្យាសាស្រ្ត​របស់វិទ្យាស្ថាន​Samsung Advanced Institute of Technology (SAIT) ក្រោម​កិច្ច​សហការណ៍​ជា​មួយ​នឹង​Samsung SDI ហើយនិង​សាកល​វិទ្យាល័យ​ជាតិSeoul National University’s School of Chemical and Biological Engineering​នៃ​ប្រទេស​កូរ៉េ​ខាងត្បូង។

ក្រុមហ៊ុន​Samsung​បាន​បន្ថែម​ទៀត​ថា បើតាម​ទ្រឹស្តី ថ្ម​ដែល​ផលិត​ចេញ​ពី​សារធាតុ Graphene Ball គឺ​ត្រូវ​ការ​រយៈ​ពេល​តែ​១២នាទី​តែ​ប៉ុណ្ណោះ​ដើម្បី​សាក​ឱ្យ​ពេញ​ឡើងវិញ។ ជាងនេះ​ទៀត ថ្ម​ដែល​ផលិត​ចេញ​ពី​សារធាតុ​នេះ​គឺ​មិនងាយ​ក្តៅ និង​អាច​រក្សា​សីតុណ្ហភាព​បាន​ថេរត្រឹម​៦០​អង្សារ ដែល​ល្អជាង​ថ្ម​ដែល​ផលិត​ចេញ​ពី​សារធាតុ Lithium-ion ឆ្ងាយ​ណាស់។

បើ​តាម​លោក​បណ្ឌិត Son In-hyuk ដែល​ជា​ប្រធាន​ដឹកនាំ​ការ​ស្រាវជ្រាវ​នោះ​បាន​ឱ្យ​ដឹង​ថា អ្នកវិទ្យាសាស្រ្ត​របស់​លោក​នឹង​សំយោគ​វត្ថុធាតុដើម​Graphen​នោះ​ឱ្យឋិត​នៅ​ក្នុង​តម្លៃ​មួយ​ដែលសមរម្យ ខណៈ​ទីផ្សារ​សម្ផារៈ​និង​យានយន្ត​ប្រើប្រាស់​ថាមពលអគ្គីសនី​កាន់​តែ​មាន​តម្រូវ​ការច្រើន។

សូម​ជម្រាប​ថា​ហាងលក់​ទូរស័ព្ទ​ដៃ​ទំនើប​គួង អ៊ី​មាន​លក់​ផលិត​ទូរស័ព្ទ​ដៃម៉ាក​Samsung​ដែលមាន​គុណភាព​ខ្ពស់​និង​តម្លៃ​សមរម្យ។

ប្រភព៖ Gadget

ប្រែសម្រួល៖ KoungY Phone Shop