iPhoneជំនាន់ក្រោយអាច នឹងមានស៊ីម២?

Published Date: Tuesday, November 21, 2017 10:42 AM

ក្រោយ​ពីទទួល​បាន​ភាព​ជោគ​ជ័យ​លើ​iPhone X ដែល​ទើបតែ​ចេញលក់​នៅលើ​ទីផ្សារ ក្រុមហ៊ុន​Appleត្រូវបាន​គេរំពឹងថា​នឹងគិតគូរ​ដល់​ការ​ផលិត​iPhone ជំនាន់ក្រោយ​ដែលអាច​ដំណើរ​ការស៊ីម២ និងបំពាក់​ទៅដោយ​ប្រព័ន្ធ5G​ដែលផ្តល់​បទពិសោធន៍​អ៊ីនធើណេត​ដ៏លឿន​ជាងគេ​បំផុត​សម្រាប់​អតិថិជន។

តាមពិត​ទៅ រឿង​ទូរស័ព្ទ​ដែលអាច​ដំណើរ​ការស៊ីម​២បាន​នោះគឺមិនមែន​ជារឿង​ថ្មីនោះ​ទេ​​។តួយ៉ាង​ក្រុមហ៊ុន​Samsung និង Xiaomi បាន​ផលិតស្មាត​ហ្វូន​ជំនាន់​ក្រោយៗ​មាន​បំពាក់​បច្ចេកវិទ្យា​នេះយូរ​ណាស់​មក​ហើយ។

យ៉ាងណា​ក៏ដោយ បើយោង​លោក Ming-Chi Kuoដែល​ជាអ្នក​វិភាគ​ផលិតផល​Apple​ដ៏ល្បីឈ្មោះ​នោះ​ បានឱ្យ​ដឹងថា​ផលិតផល iPhone ជំនាន់​ក្រោយដែល​នឹងចេញ​លក់នៅពាក់​កណ្តាល​ឆ្នាំ២០១៨​នោះនឹងអាច​ភ្ជាប់ជាមួយ​នឹងប្រព័ន្ធ​ដំណើការ​ស៊ីម២ដែល​អាច​ទ្រទ្រង់​ប្រព័ន្ធ​LTEនៅ​លើស៊ីម​ទាំង២​តែម្តង។ មានន័យថា iPhone​ជំនាន់​ក្រោយ​នោះ​មានសមត្ថភាព​ប្រើ​ប្រព័ន្ធអ៊ីនធើណេត​លឿនបំផុត​នៅលើ​ស៊ីមទាំង​២ ខណៈស្មាត​ហ្វូន​​ស៊ីម២​ផ្សេងៗ​មិនទាន់​អាច​ធ្វើបាននោះ​ឡើយ។

លោក​Kuo ជឿថា​iPhone ជំនាន់​ក្រោយ​នោះ នឹង​ជ្រើសយក​ប្រព័ន្ធ​ដំណើរការ XMM​7560​​របស់ Inter បន្ថែម​ទៅ​លើ​ប្រព័ន្ធ​SDX 20 របស់Qualcomm​បច្ចុប្បន្ន​ដើម្បីបង្កើន​សមត្ថភាពWireless​កាន់តែលឿន​ថែមទៀត។ យ៉ាងក៏​ដោយ នេះគឺគ្រាន់​តែជា​ការ​ប៉ាន់​ស្មាន​របស់​អ្នកវិភាគ​តែ​ប៉ុណ្ណោះ លទ្ធផល​យ៉ាង​ណា គេត្រូវ​ចាំមើល​រហូត​ដល់​ក្រុមហ៊ុន​Apple ចេញ​ផលិតiPhone ជំនាន់ថ្មី​ក្នុង​ឆ្នាំ២០១៨​ខាងមុខ៕

ប្រភព៖ Gadgets

ប្រែសម្រួលដោយ៖​ KoungY Phone Shop